舒服曬^^

今日產後28日啦

終於破左個世界紀錄

忍左28日先洗頭

差唔多一個月都算聽話啦係咪？

不過覺得自己超級dirty

依家超爽

原來沖涼洗頭都得來不易......哈哈

陪月有又煩無又煩

我個陪月一來到，將我廚房大執位，初初都覺得佢幾好......好似又識幫我地慳買餸錢，所以都幾滿意

漸漸....

佢成日有意無意話我廚房細，屋企細..有次真係串佢咁你下次撰D廚房大先接啦(火), 又好鐘意講野，重覆又重覆，我唔應佢又唔禮貌...佢又當自己係一家人好熟咁，我有朋友來傾計又插嘴，唔講以為係我媽添 ><"頂！又鐘意show off 讚自己...D紙巾，洗潔精，水，電，煤用到盡，又成日借阿仔為名要開冷氣（佢唔講其實我地都會開）用量比我地平時起碼2，3倍！其實我兩公婆好易話圍，你hea住做總之攪點D野OK，但我發覺個廚房dirty到爆，D布唔知邊條打邊條，成日拿住個條地布又抹廁所，廚房，廳，見到都唔開胃，已經捥轉叫佢唔使抹，仲同佢講明先生係潔"pig"佢都唔醒水，唉佢走左我真係有排執！如果唔係佢煮D餸好味又無人幫手，我真係唔會續多2個星期呀！原來咁貴俾錢請人做都要忍受佢D習慣，到最後都可能要自己做返，搵人幫手係咪咁架呢? 真係唔敢諗將來請工人會點 ><

又發惡夢？

(Day 22)


我啱啱又發惡夢醍了！

自從生完BB後

我感覺到我身體同D抑鬱兵打緊仗

Touchwood.....我控制到....OK!

上次已經瞓瞓下發惡夢狂哭

原來依段時間D情緒真係好難控制架

頂住!!!!!!

坐月辛酸

（大叫）

你地忍到幾耐先沖涼洗頭？就算沖都係咪用羗水？

依家生完12日都未洗頭，只用羗水沖身，最慘成日成身汗，又唔可以吹風扇，開冷氣都係25度唔可以吹到風，覺得自己好dirty，攪到餵呀仔食人奶佢都熱捚，坐月真係辛苦過生仔，又唔出得街，日日屋企某幾個親戚車輪轉來探BB，一得閒就出現，我完全無時間休息，日日瞓得2，3個鐘真係人都顛，好彩我老公一齊幫手（強調：我係好enjoy餵我阿仔，見到佢個樣都冧𦚵，就算唔夠瞓都絶無怨言），佢地仲要好好意思咁坐係我屋企左住我休息餵人奶（屋企已經細），我明白屋企有新成員係好開心事，但....唉...可唔可以顧下我感受啦，依家真係明白點解D人會產後抑鬱.....仲有20日捱呀，救命！

希望快D捱過啦

坐月沐浴【薑皮水】

(35 weeks 4 days)

http://www.mybb.com.hk/home.php?mod=space&uid=3392&do=blog&quickforward=1&id=1267